ზაფხულის სატრანსფერო ფანჯარა სულ მალე აიღებს სტარტს. პოტენციური მიზნები შერჩევითობის პროცედურებს გადიან.

"მანჩესტერ იუნაიტედის" ახალწვეული მთავარი მწვრთნელი ერიკ ტენ ჰააგი კლუბის დაკომპლექტებას და ახალი სახეების შეძენას გეგმავს.

დიდი ალბათობით ნიდერლანდელის პირველი ტრანსფერი მისი ყოფილი კლუბიდან "აიაქსი"-დან იურიენ ტიმბერის დამატება იქნება.

რა თქმა უნდა ინგლისური გრანდი ამაზე გაჩერებას არ გეგმავს და უახლესად გავრცელებული ინფორმაციების თანახმად მათ თვალი ლონდონელთა ვარსკვლავს დაადგეს.

საქმე ეხება ნგოლო კანტეს რომელიც ტომას ტუხელის გუნდის საკვანძო ფეხბურთელი გახლავთ. რამდენად იქნება "ჩელსი" მზად გაყიდოს ერთ ერთი წამყვანი მოთამაშე ამ ეტაპზე უცნობია.