დასრულდა ინგლისის ჩემპიონატი, დასრულდა საფეხბურთო სეზონი და ევროპის წამყვანი ჩემპიონატების სატურნირო ცხრილებმა საბოლოო სახეც მიიღეს.

გუშინ გამართულ პრემიერ ლიგის ბოლო ტურში, "მანჩესტერ იუნაიტედი" პატრიკ ვიეირას "კრისტალ პალასთან" მინიმალური ანგარიშით 1-0 დამარცხდა და სატურნირო ცხრილში სეზონი მეექვსე ადგილზე დაასრულა.

მოგეხსენებათ აღნიშნული შეხვედრა "წითელი ეშმაკების" პორტუგალიელმა სუპერვარსკვლავმა კრიშტიანუ რონალდუმ გამოტოვა და სეზონი ნაადრევად დაასრულა.

ფაქტი და სტატისტიკა რომელიც ინგლისური გრანდის მიმდინარე სეზონის ფიასკოზე კიდევ ერთხელ მეტყველებს და მარტივ პასუხს აძლევს კრიტიკოსებს რომლებიც უბრალოდ თითს "იუნაიტედის" შვიდიანისალენ იშვერენ.

მაშ ასე, რონალდუს გარეშე, "მანჩესტერ იუნაიტედმა" პრემიერ ლიგის ამჟამად უკვე დასრულებულ სეზონში ვერცერთი მატჩის მოგება ვერ მოახერხა.

შეგახსენებთ, რომ რონალდუ ინგლისურ გრანდს გასულ წელს შეუერთდა და სეზონი პრემიერ ლიგაში 18 გოლით და 3 საგოლე გადაცემით დაასრულა.

ამ ეტაპზე უცნობია დარჩება თუ დატოვებს ტენ ჰაგის გუნდს პორტუგალიელი ფეხბურთელი.