ერიკ ტენ ჰააგი, რომელიც აქტიურად ასოცირდება "მანჩესტერ იუნაიტედის" მთავარი მწვრთნელის როლთან, კრიშტიანუ რონალდუს გუნდში შენარჩუნებას გეგმავს და სულაც არ იქნება წინააღმდეგი, რომ პორტუგალიელი გუნდში დარჩეს.

მანამდე გავრცელდა ჭორები, რომ პორტუგალიელს შესაძლოა კლუბი ზაფხულში დაეტოვებინა თუმცა როგორც ჩანს ჭორები ჭორებად რჩება და მოცემულობა იცვლება.

The Sun-ის ცნობით, მენეჯერი თვლის, რომ რონალდუს გამოცდილება გუნდს მომავალ სეზონში გამოადგება. ჰოლანდიელი სპეციალისტი პორტუგალიელს მოედანზე მნიშვნელოვანი როლის მინიჭების წინააღმდეგი არ არის.

შეგახსენებთ, რომ ჰააგის მთავარ კონკურენტად "მანჩესტერ იუნაიტედის" მწვრთნელის პოზიციაზე ბრძოლაში ადრე "პსჟ"-ს მწვრთნელი მაურისიო პოჩეტინო ითვლებოდა. გავრცელებულია ინფორმაცია, რომ ტენ ჰააგმა "წითელ ეშმაკებთან" წინასწარი შეთანხმება უკვე გააფორმა.

უნდა იყოს თუ არა რონალდუ ჰააგის პროექტის ნაწილი?

დიახ

არა

ხმის მიცემა შედეგები