"მანჩესტერ იუნაიტედმა" შაბათს საღამოს, სამი ქულის მოპოვება შეძლო და სატურნირო ცხრილში მნიშვნელოვანი აქტივები ჩაიწერა. "წიტელმა ეშმაკებმა სტუმრად ადგილობრივი "ნორვიჩი" დაამარცხეს. ერთადერთი გოლი კრიშტიანუ რონალდუმ გაიტანა - პორტუგალიელმა პენალტი შეასრულა.

პორტუგალიელ სუპპერვარსკვლავს, ინგლისის პრემიერ ლიგაში, "მანჩესტერ იუნაიტედის" მაისურით უკვე 91 გოლი დაუგროვდა.

ამ მაჩვენებლით, აღნიშნულ ტურნირზე, კლუბის ბომბარდირთა სიაში რონალდუ მეექვსე ადგილზე მყოფ, გუნდის ყოფილ ფეხბურთელს და ყოფილ მწვრთნელს ოლე გუნარ სულშერს დაეწია.

რონალდუსა და სოლსკიაერის შემდეგ ენდი კოული მოდის (93 გოლი), რუდ ვან ნისტელროი (95), პოლ სქოულზი (107), რაიან გიგზი (109) და უეინ რუნი (183).

შეგახსენებთ, რომ კრიშტიანუ რონალდუ "მანჩესტერ იუნაიტედში" გასულ ზაფხულს დაბრუნდა.