"მანჩესტერ იუნაიტედის" კუთვნილებაში მყოფი ფეხბურთელი, გამოცდილი ცენტრფორვარდი ედინსონ კავანი სატრანსფერო ბაზარზე მოთხოვნადი მოთამაშეა.

Mundo Deportivo-ს ჟურნალისტების მიერ გავრცელებული ცნობით, 34 წლის ურუგვაელი თავდამსხმელის მომსახურებით მადრიდის "რეალია" დაინტერესებული.

"სამეფო კლუბში" მზად არიან, ფეხბურთელისთვის კატალონიურ "ბარსელონას" დაუპირისპირდნენ. როოგორც ჩანს "ელ კლასიკო" მოედნის ფარგლებს გარეთაც გაიმართება.

თავის მხრივ, კავანი მზად არის შეცვალოს საკლუბო რეგისტრაცია, რადგან ის კრიშტიანუ რონალდუსთან კონკურენციას აგებს. ედინსონს "წითელ ეშმაკებთან" კონტრაქტი სეზონის ბოლოს ეწურება, ამიტომ იანვარში მას შეუძლია პოტენციურ დამსაქმებლებთან მოლაპარაკება აწარმოოს.