"მანჩესტერ იუნაიტედის" მთავარმა მწვრთნელმა რალფ რანგნიკმა, სამშაბათს გამართულ პრესკონფერენციაზე თავის დასახულ მიზნებზე ისაუბრა.
"მნიშვნელოვანია, რომ გავაგრძელოთ გუნდის მშენებლობა. ჩვენ ჯერ კიდევ შეგვიძლია უკეთესები ვიყოთ ბურთის ფლობაში, შეგვიძლია მეტი შანსის შექმნა, უფრო ვერტიკალურად თამაში. წარმატების მიღწევა შესაძლებელია მხოლოდ განვითარებით და ისევ და ისევ განვითარებით.
ნდობის აღდგენის საუკეთესო ინსტრუმენტი გამარჯვებაა. ბოლო ოთხ თამაშში გუნდმა სამი გამარჯვება მოიპოვა და ეს ტემპი უნდა შევინარჩუნოთ.
მოთამაშეებმა ერთგვარი განახლება უნდა შეძლონ. მე უნდა შევიდე მათ გულებში, მათ ტვინში და მათ სისხლში. პირველი ნაბიჯები უკვე გადაიდგა“, - ციტირებს რანგნიკის სიტყვებს BBC.