დღეს გერმანელმა სპეციალისტმა, Sky Sports-ს ინტერვიუ მისცა.
"კვირას 2 საათის განმავლობაში ოლეს ვესაუბრებოდი, მან გუნდის შიდა მდგომარეობა გამაცნო."
"ჩელსი გასულ ზამთარს 4-თვიან კონტრაქტს მთავაზობდა, არანაირი მომავლის გეგმით. იუნაიტედმა კი 6-თვიანი კონტრაქტი შემომთავაზა, რაც შემდეგში კლუბის მრჩევლის პოსტზე გადასვლას გულისხმობს. შესაბამისად, როდესაც ისეთი გუნდი როგორიც იუნაიტედია, ასეთ რაიმეს გთავაზობს, უარის თქმა რთულია."
"ჩემი მიზანი იქნება, რომ გუნდში ბალანსი იყოს. არსენალთან გამარჯვებისთვის 3 გოლი დაგვჭირდა, რაც ძალიან ბევრია. მე მეტი კონტროლი მსურს" "შეტევით რგოლში ძალიან ბევრი ტოპ დონის ფეხბურთელი გვყავს, ამიტომ ვერ ვხედავ აუცილებლობას, რომ ჩემი აქ ყოფნის პერიოდში ეს პოზიციები გავაძლიეროთ"
"გუშინ ვუყურებდი, თუ რა ფიზიკურ ფორმაში იყო 36 წლის კრიშტიანუ რონალდუ, მსგავსი არაფერი მინახავს, მას დიდი განსხვავების შექმნა შეუძლია."
"კერიკს დარჩენაზე 2 საათი ვესაუბრებოდი. ვეცდები 2-3 კარგი სპეციალისტი ვიპოვო, რომლებიც გუნდის წარმართვაში დამეხმარებიან, თუმცა პანდემიის პირობებში მათი მოყვანა და მოწვევა ადვილი არ იქნება."
კვირას, 18:00 საათზე, რალფი სადებიუტო შეხვედრას, "კრისტალ პალასის" წინააღმდეგ ოლდ ტრაფორდზე ჩაატარებს.