ოლე გუნარ სოლსკიაერის შემადგენლობის სერბი წევრი ნემანია მატიჩი სამუშაო ადგილის შეცვლაზე ფიქრობს. ფეხბურთელი სათამაშო დროის არქონით უკმაყოფილოა.

ზამთრის სატრანსფერო ფანჯარა იანვარში იხსნება, მატიჩი სწორედ აღნიშნულ პერიოდს დაელოდება და სათამაშოდ სხვა კლუბს მიაშურებს. ინფორმაციას Manchester Evening News - ი ავრცელებს.

მატიჩს სურს, რომ გუნდში სადაც ის ითამაშებს, გახდეს ძირითადი შემადგენლობის უცვლელი წევრი. ჯერჯერობით უცნობია თუ რას ფიქრობენ "ოლდ ტრაფორდზე" 33 - წლის ფეხბურთელის მომავალთან დაკავშირებით.

შეგახსენებთ, რომ ნემანია ინგლისურ გრანდს 2017 - წელს შეუერთდა. "გლეიზერების" კლუბმა მის სანაცვლოდ ლონდონის "ჩელსის" 45 - მილიონი ევრო გადაუხადეს. მიმდინარე კონტრაქტი მატიჩს მის ამჟამინდელ კლუბთან 2023 - წელს ეწურება.