კლუბის ოფიციალური ვებ - გვერდი ManUtd.com წარმოგიდგენთ ოლე გუნარ სოლსკიაერის პრესკონფერენციისა და "ვოლვერჰემპტონზე" გამარჯვების შემდეგ მის ინტერვიუს Sky Sports - თან და MUTV - სთან.

ბედნიერი მოგებით

ჩვენ ძალიან კმაყოფილები ვართ - ეს არის შესანიშნავი შედეგი, იმის გათვალისწინებით, რომ ორივე გუნდს შეეძლო გამარჯვება. რა თქმა უნდა, გარკვეული პერიოდის განმავლობაში ჩვენ ვიყავით სერიოზული ზეწოლის ქვეშ, მაგრამ ზოგადად ჩვენ უფრო მეტი ბურთის ფლობა გვქონდა. დიახ, ეს არ იყო ყველაზე ლამაზი თამაში, მაგრამ ვფიქრობ, რომ საინტერესო იყო ყურება. როგორც საშინაო გუნდის გულშემატკივრებმა, ასევე ჩვენი სექტორიდან კლუბებმა მიიღეს მხარდაჭერა.

დე ხეა განსაკუთრებული ფეხბურთელია

ალბათ მეტოქემ შექმნა ცოტა უფრო სახიფათო მომენტები, დღეს ჩვენ ვერ დავიკვეხნით ბევრი შანსებით, მაგრამ გვყავს შესანიშნავი მეკარე. დევიდი შვებულებიდან დიდი ენერგიით დაბრუნდა, ის თამაშობს მონდომებით და დიდი სურვილით. ამას ვხედავთ ყოველდღე ვარჯიშზე. მეორე სეივი კუთხურის შემდეგ - ეს რაღაც განსაკუთრებული იყო! მისი რეაქცია და ხელების სიძლიერე მხოლოდ აღმაფრთოვანებელია!

გოლის ეპიზოდი

მე ვფიქრობ, რომ პოგბასა და ნევეშის მომენტში არ ყოფილა რაიმე სახის დარღვევა. მე ვთქვი, რომ ფეხბურთი კალათბურთს არუნდა დაემსგავსოს როცა ყველა შეხება ფაქტიურად ჯარიმა ითვლება, როგორც ეს იყო შარშან, როდესაც ნებისმიერ მოთამაშეს შეეძლო წაქცეულიყო და ამისათვის მათ საჯარიმო დარტყმა მიეღოთ, მაგრამ მეორეს მხრივ, ფეხბურთის რაგბად გადაქცევა ასევე არ ღირს. ჩვენ უნდა ვიზრუნოთ ჩვენს ფეხბურთელებზე, თუმცა ვფიქრობ, რომ მსაჯობა კარგი იყო პირველ სამ კვირაში. ვუყურე დღის მატჩს და ასევე შევძელი სრული მატჩების ყურება და ვგრძნობ, რომ თამაში მართლაც უფრო რბილია. რასაკვირველია, როდესაც ეს მეტოქის სასარგებლოდ ხდება, ჩვენ ყველანი ცოტას ვტირით, მაგრამ თუ ეს თქვენს სასარგებლოდ იმუშავებს, თქვენ კმაყოფილი დარჩებით და ამის განხვილვაზე ძალიან დიდ დროსაც არ დაკარგავთ.

საუთგეიტთან საუბარი

მეისონი განსაკუთრებული ბიჭია. მე მქონდა კარგი საუბარი გარეტთან და ჩვენ ორივე ვფიქრობთ, რომ გრინვუდი არის საუკეთესო ფეხბურთელი როგორც "იუნაიტედისთვის", ასევე ეროვნული გუნდისთვის. რასაკვირველია, ბიჭს ნამდვილად სურს თავისი ქვეყნისთვის თამაში, მაგრამ ახლა მისთვის უკეთესია, რომ რეგულარულ ფეხბურთზე გაამახვილოს ყურადღება და დარწმუნებული ვარ, რომ ის მალე მოედანზე შევა ეროვნული ნაკრების მაისურით.

სად ითამაშებს რონალდო?

კრიშტიანუ გაიზარდა როგორც ფეხბურთელი. ის ფლანგებზე თამაშობდა, მაგრამ ახლა მე მას ცენტრფორვარდად ვხედავ. იქნება მატჩები, რომლებშიც ჩვენ ვითამაშებთ ორი და სამი ფორვარდით, მაგრამ მე მინდა, რომ ის იყოს საჯარიმოში ისე, რომ მან გაიტანოს გოლები.

როგორ მოხდა კრიშტიანოს გადმოსვლა?

ეს ფეხბურთია, ხდება ხოლმე. ის ყოველთვის იყო ჩვენი ყურადღების არეში და ჩვენ ყოველთვის გვაინტერესებდა აპირებდა თუ არა კლუბის შეცვლას. ჩვენ არც კი წარმოგვიდგინა, რომ ის ზაფხულში გადაწყვეტდა "იუვენტუსის" დატოვებას, მაგრამ როდესაც მან ეს გადაწყვეტილება მიიღო, ჩვენ მაშინვე ვესაუბრეთ მას. ყველას, ვინც ზრუნავს "მანჩესტერ იუნაიტედზე", სურდა ეს მომხდარიყო და ყველამ თავისი როლი შეასრულა. მაგრამ რაც მთავარია, კრიშტიანუს ნამდვილად სურდა დაბრუნება.

სატრანსფერო ჭორების შესახებ

მე არ ვაპირებ გითხრათ სახელები, მაგრამ მართლაც მიმდინარეობს დისკუსია. იყო მოთხოვნა ჩვენ რამდენიმე ფეხბურთელზე და რა თქმა უნდა, კრიშტიანოს მოსვლა ვინმეს სათამაშო წუთებს წართმევს. თუმცა, ამ მომენტში, იგივე დენ ჯეიმსი რჩება "მანჩესტერ იუნაიტედის" ფეხბურთელად.