იტალიური "ნაპოლის ცენტრალური მცველი კალიდუ კულიბალი სამუშაო ადგილის შეცვლასთან ძალიან ახლოს არის. სენეგალელის მიმართ ინტერესი ოლე გუნარ სოლსკიაერის "მანჩესტერ იუნაიტედს" აქვს.

The Sun - ის მიერ გავრცელებული ცნობებით, ფეხბურთელის აგენტსა და ინგლისური გრანდის წარმომადგენლებს შორის მოლაპარაკებები წარმატებით მიმდინარეობს.

წყაროს მტკიცებით, "წითელმა ეშმაკებმა" იტალიურ მხარესთან შეხვედრები წარმატებით დაასრულეს და აღნიშნული ტრანსფერი, სატრანსფერო ფანჯრის გახსნისთანავე ოფიციალურად დადასტურდება.

რაც შეეხება სატრანსფერო ღირებულებას, 29 - წლის ცენტრალური მცველისათვის "ოლდ ტრაფორდელები" ჯენარო გატუზოს გუნდის ბიუჯეტს დაახლოებით 70-80 - მილიონი ფუნტი სტერლინგით შეავსებენ.

კალიდუ კულიბალის მიმართ ინტერესს კიდევ ერთი მანჩესტერული გრანდი "მანჩესტერ სიტი" გამოხატავს.

მიმდინარე სეზონში ფეხბურთელის ანგარიშზე "ნეაპოლელთა" რიგებში ჩატარებული 26 - მატჩია იტალიის ჩემპიონატში.