შოტლანდიელმა სპეციალისტმა სწორი ტაქტიკა აირჩია ამ გუნდების პირველ მატჩში, სანტიაგო ბერნაბეუზე, სადაც მისმა გუნდმა სასურველ შედეგს მიაღწია- დაძაბული შეხვედრა 1:1 დასრულდა.მადრიდული კლუბი კარგ ფორმაში იმყოფება-რამდენიმე დღის მანძილზე ორჯერ დაამარცხა "ბარსელონა" "ელ კლასიკოში", რაც რათქმაუნდა კარგ განწყობაზე აყენებს ფანებს, ისევე როგორც ფეხბურთელებს.ფერგიუსონს ჟურნალისტებმა დაუსვეს საინტერესო კითხვა.მათ აინტერესებდათ, როგორი ტაქტიკით ითამაშებდა მანჩესტერი, შემტევი თუ დაცვითი, მწვავე კონტრშეტევებით, ისევე როგორც 2008 წელს "ბარსელონასთან".სერ ალექსმა ამ კითხვაზე შემდეგი პასუხი გასცა:
"თუ გულახდილად ვიტყვით, დაცვა ალბათ გამარჯვების საწინდარი იქნება.ყველასთვის ცნობილია, რომ "რეალი" ერთ-ერთი საუკეთესოა კონტრ-შეტევებზე თამაშში.ამიტომ კარგი დაცვა აუცილებელია.მათ თავისი სიძლიერე "კამპ ნოუზე" აჩვენეს, ისინი უმეტესად კონტრ-შეტევებით თამაშობდნენ.ჩვენ ვცდილობთ, ეს ყველაფერი დეტალურად შევისწავლოთ და შევაჩეროთ რონალდო და კომპანია.როდესაც ასეთ თამაშთან გაქვს საქმე, ყოველთვის პატივი უნდა სცე მოწინააღმდეგე კლუბს.ჩვენ ვაფასებთ მათ.ეს დიდი პროფესიონალიზმია.ყოველთვის ვცდილობთ, მეტოქეთა მთავარი დამრტყმელი ძალა გავაჩეროთ-ახლაც ასეა.იმედი მაქვს, ჩემი ტაქტიკა დაგვეხმარება ხვალინდელ მატჩში."
ჟურნალისტები ასევე დაინტერესდნენ, იქნება თუ არა ხვალ გარკვეული ექსპერიმენტები შემადგენლობაში:"ჩვენ უნდა ვენდოთ ყველა ფეხბურთელს.ისინი ენდობიან ერთმანეთს.ეს აუცლიებელია და მე, როგორც მენეჯერს ძალიან მეხმარება ასეთი განწყობა კლუბში.სამწვრთნელო შტაბი ვცდილობთ, არ დავაკლოთ მათ ყურადღება.გუნდი კარგ ხასიათზეა.მოტივაცია უდიდესია.ეს ყველაფერი კარგია, მაგრამ თუ თავის თავს ბოლომდე არ ენდობიან, ყველაფერი წყალში ჩაიყრება."
კრიშტიანო რონალდო ბრუნდება "ოლდ ტრაფორდზე" პირველად, მას შემდეგ რაც "იუნაიტედიდან" გადავიდა.ეს საინტერესო მოვლენაა.ფერგიუსონმა ამ ფაქტზეც ისაუბრა:"მაშინებს ის, რომ ის უფრო და უფრო კარგად თამაშობს.-გაიხუმრა სერ ალექსმა-რას უნდა გრძნობდე, როდესაც რონალდოს გუნდს ეთამაშები?ეს პრობლემების საწინდარია.უნდა ვეცადოთ და შევაჩეროთ იგი.იმედი მაქვს, მას რაფაელი შეაჩერებს.ბრაზილიელისთვის ბერნაბეუზე ჩატარებულ მატჩში პირველ ტაიმში უჭირდა თამაში, მაგრამ ეს კარგი გაკვეთილი იყო მისთვის.ყველაფერს გავაკეთებთ იმისთვის, რომ პორტუგალიელი შევაჩეროთ."