ავსტრიული "ზალცბურგის" ზამბიელმა ფორვარდმა პატსონ დაკამ კარიერა, შესაძლოა ინგლისის პრემიერ ლიგაში გააგრძელოს. ახალგაზრდა ნიჭიერი თავდამსხმელით ოლე გუნარ სოლსკიაერის "მანჩესტერ იუნაიტედი" ინტერესდება. ინფორმაციას Goal.com- ი ავრცელებს.

აღნიშნული წყარო ასევე იუწყება, რომ დაკას გადაბირებას კიდევ არაერთი ინგლისური ტოპ კლუბი გეგმავს. მოლაპარაკებები ერთდროულად "ლივერპულთან", "მანჩესტერ სიტისთან", "მანჩესტერ იუნაიტედსა" და "არსენალთან" მიმდინარეობს.

რაც შეეხება სატრანსფერო ღირებულებას, ზამბიელი ფეხბურთელი ამ ეტაპზე 20 მილიონ ევროდ ფასდება.

პატსონ დაკა, ავსტრიის ჩემპიონატის ბომბარდირთა დავას ერთპიროვნულად ლიდერობს. მის ანგარიშზე 22 შეხვედრაში 20 გოლი და 3 საგოლე გადაცემა ირიცხება.