Manchester Evening News - ის ცნობით, ზაფხულის სატრანსფერო ფანჯარაზე, "მანჩესტერ იუნაიტედის" მთავარი სატრანსფერო სამიზნე, გერმანული "დორტმუნდის" ნორვეგიელი თავდამსხმელი ერლინგ ჰაალანდი იქნება.

კლუბის ახლად დანიშნული სპორტული დირექტორი ჯონ მერტო და გუნდის მთავარი თავკაცი ოლე გუნარ სოლსკიაერი შეთანხმდნენ, რომ ახალგაზრდა შემტევის ტრანსფერი ზაფხულში "წითელი ეშმაკებისთვის" პრიორიტეტული იქნება.

ცნობილია ის მოთხოვნები რასაც ფეხბურთელი ტრანსფერის შემთხვევაში მოითხოვს. ჰაალანდს ყოველკვირეული ხელფასის სახით 350 ათასი ფუნტი სტერლინგი სურს. აღნიშნული ხელფასი ფეხბურთელს მსოფლიოში ერთ ერთ ყველაზე მაღალანაზღაურებად მოთამაშედ აქცევს.

ზაფხულის სატრანსფერო ფანჯარაზე "იუნაიტედის" ერთ ერთი მთავარი მოწინააღმდეგე აღნიშნულ ტრანსფერთან დაკავშირბით, თანაქალაქელი "მანჩესტერ სიტი" იქნება რომელიც ასევე დაინტერესებულია "დორტმუნდის" შემტევის გადაბირებით.

"ოლდ ტრაფორდის" ბანაკში ფიქრობენ, რომ ის ფაქტი რომელიც ახლო წარსულში ჰაალანდს და კლუბის ამჟამინდელ მთავარ მწვრთნელს ოლე გუნარ სოლსკიაერს აკავშირებთ "მიოლდეში" გატარებული სამუშაო პერიოდით, დაეხმარება კლუბს ტრანსფერის წარმატებით დასრულებაში.