“მანჩესტერ იუნაიტედის” მთავარმა მწვრთნელმა სერ ალექს ფერგიუსონმა მანჩესტერული კლუბის ტელეკანალთან ინტერვიუში განაცხადა, რომ 39-წლის ნახევარმცველი რაიან გიგსი ჩემპიონთა ლიგის 1/8 ფინალურ განმეორებით შეხვედრაში “რეალის” წინააღმდეგ მოედანზე აუცილებლად გამოჩნდება, რომელიც სამშაბათსაა დაგეგმილი.

გუშინ იუნაიტედმა ნორვიჩს უმასპინძლა და 4-0 გაანადგურა, ამ შეხვედრაში კი რაიანს მონაწილეობა არ მიუღია, რეალთან “წითელ ეშმაკების” მაისურით მატჩი მეათასე იქნება.

“გიგსი სამშაბათს ითამაშებს. ჩვენ არ შეგვიძლია გამოვტოვოთ ის მომენტი, რომელიც ამ ადამიანის კარიერაში ყველაზე გამორჩეული იქნება. რაიანმა ეს დაიმსახურა” – განაცხადა ფერგიუსონმა MUTV-სთან.

მას ჯერ კიდევ სჯერა, რომ იგი კარგად თამაშობს და მაყურებლისთვის ლამაზი საყურებელი იქნება მისი თამაში.

შეგახსენებთ, რომ რამოდენიმე დღის წინ გიგსმა “მანჩესტერ იუნაიტედთან” კონტრაქტი კიდევ ერთი წლით გაახანგრძლივა.

წყარო: Goal.Com