"მანჩესტერ იუნაიტედის" ინგლისელმა მცველმა ფილ ჯონსმა განაცხადა,რომ გუნდს "რეალ მადრიდის" პორტუგალიელი ნახევარმცველის კრიშტიანო რონალდოს გაჩერება ძალიან გაუჭირდებათ,ასევე ჯონსმა ინტერვიუში განაცხადა,რომ ის ამ მომენტისათვის შესაძლოა მსოფლიოს საუკეთესო ფეხბურთელია.

"პორტუგალიელი კრიშტიანო რონალდო ჩემი აზრით მსოფლიოს საუკეთესო ფეხბურთელია,შეიძლება ამაში ბევრი არ დამეთანხმოს,მაგრამ ეს ჩემი აზრია.მას აქვს ის ყველაფერი,რაც სრულყოფილ თავდამსხმელს სჭირდება.მისი ბალანსი,მოძრაობა,სიჩქარე,დარტყმა ორივე ფეხში - ეს უბრალოდ ფანსტასტიურია." - განაცხადა ფილ ჯონსმა thesun.co.uk-თან.

"ჩემი აზრით მადრიდში "სანტიაგო ბერნაბეუზე" ჩვენ საკმაოდ კარგად შევუზღუდეთ რონალდოს ის სივრცეები,რომლის გამოყენებასაც ცდილობდა,მაგრამ ამის მიუხედავად მაინც გაგვიტანა.ჩვენ ყველამ ვიცით,რომ მეორე მატჩში იქნება ნამდვილი ბრძოლა,სადაც გამარჯვებული მხოლოდ ერთი იქნება." - დაასრულა ჯონსმა.

"ნორვიჩთან" წინასამატჩო პრესკონფერენციაზე "მანჩესტერ იუნაიტედის" შოტლანდიელმა თავკაცმა სერ ალექს ფერგიუსონმა განაცხადა,რომ ფილ ჯონსმა უკვე ვარჯიში განაახლა და შესაძლოა ის "ოლდ ტრაფორდზე" ვიხილოთ ჟოზე მოურინიოს გუნდის წინააღმდეგ.