გუნდის სიახლეები

"დე ხეა და შოუ ჩვნთან ერთად არიან. ედინსონს და ენტონს მცირე დაზიანება აქვთ, ამიტომ ისინი გერმანიაში არ გაფრინდებიან."

მეისონ გრინვუდის შესახებ

"მეისონი ძალიან ნიჭიერი თავდამსხმელია, ერთ-ერთი საუკეთესო, რომელთანაც ოდესმე მიმუშავია. ის საკუთარ თავს უქმნის შანსებს და მასთან ერთად ყოველთვის აქვს გოლის გატანის შანსი. ის უკეთესი და უკეთესი გახდება, მასთან მუშაობა ძალიან საინტერესოა."

დიდი მატჩების წინ ფსიქოლოგიური მდგომარეობა

"ჩვენი მოთამაშეები მზად არიან. ესენი არიან "მანჩესტერ იუნაიტედის" ფეხბურთელები და მათ აქვთ ისეთი თვისებები, რაც ჩვენ გვჭირდება. ჩვენ ველოდებით ასეთ მატჩებს და არასდროს გვეშინია სირთულეების."

რამდენად მნიშვნელოვანი იყო 5-0 გამარჯვება?

"რა თქმა უნდა, ამ შედეგის უგულებელყოფა არ შეგვიძლია. ამ მატჩს სიამოვნებით ვიხსენებთ, რადგან მაშინ სწორად ვიმოქმედეთ. ჩვენ კარგად მოვემზადეთ და "ლაიფციგი" საკმარისად შევისწავლეთ."

ნდობა იზრდება ასეთ მატჩებში

"რაც უფრო უკეთესად ითამაშებს თქვენი მეტოქე თქვენს წინააღმდეგ, მით უფრო იზრდება თქვენი ნდობა. ხვალ უბრალოდ უნდა გავიდეთ და ჩვენი საქმე კარგად შევასრულოთ."

ითამაშებს თუ არა "იუნაიტედი" გამარჯვებისთვის, მიუხედავად იმისა, რომ ფრეც საკმარისი იქნება?

"თქვენ სწორად უნდა მიუდგეთ ამ მატჩს, რადგან ყველაფერი შეიძლება მოხდეს. თქვენ არ შეგიძლიათ იჯდეთ და დაელოდოთ შეხვედრის დასრულებას 0: 0 ანგარიშით. ეს მიდგომა ჩვენს გენებში არ არის. "პსჟ-ს" წინააღმდეგ მატჩში ჩვენ ვაჩვენეთ, რომ გამარჯვება გვსურს და ხვალეც ასე იქნება."

სტატისტიკა გასვლით თამაშებში ნდობას გინერგავთ?

"დიახ, ეს ნდობას იძლევა. ჯგუფში ვადაზე ადრე გასვლას არ ველოდით, როდესაც ვნახეთ რა მოწინააღმდეგეები შეგვხვდა. მაგრამ ეს კლუბი არასდროს ნებდება. ჩვენ ყველანაირად ვმუშაობთ, რომ თითოეულმა ჩვენმა ოპონენტმა წინასწარ იცოდეს, რომ უკანასკნელ წამამდე ვიბრძოლებთ."

ევროპის ლიგაზე მოხვედრის პერსპექტივების შესახებ

"როგორც ჰარიმ თქვა, ამაზე არც კი ვფიქრობთ და მე შემიძლია მხოლოდ მისი სიტყვების გამეორება. ჩვენ გვინდა, რომ საუკეთესოების წინააღმდეგ ვითამაშოთ, რათა გაუმჯობესება დავიწყოთ. გასულ სეზონში ჩვენ ევროპა ლიგა გამოვიყენეთ და დრო მივეცით მოთამაშეებს, ვინც ნაკლებს თამაშობდა, წელს ეს შესაძლებლობა არ გვაქვს. ჩვენ უკეთესები და უკეთესები ვხდებით, მომზადება უფრო წარმატებულია, უფრო მკვეთრები ვხდებით."

http://www.manutd.ru/