ჯესი ლინგარდი იმედოვნებს, რომ შეძლებს ფორმის დაბრუნებას და თავისი გუნდის დახმარებას.
სეზონში ჯესიმ მხოლოდ 9 სასტარტო თამაში ითამაშა. მან აღიარა, რომ მას აქვს პირადი პრობლემები.
"მე დავკარგე საკუთარი თავი, მაგრამ არ მინდა დანებება. მახსოვს როგორი ვიყავი მოედანზე და მის ფარგლებს გარეთ. მე მჯერა, რომ შემიძლია დაბრუნება. ისე უნდა ვმუშავო საკუთარ თავზე, როგორც ეს არასდროს გამიკეთებია და მჯერა იმ ადამიანების, რომლებმაც იციან როგორ დამეხმარონ, რომ მე ისევ ვიპოვნო საკუთარი თავი."
”ვიცი, რომ გულშემატკივრები იმედგაცრუებულები დარჩნენ, მაგრამ მთელი ამ ხნის განმავლობაში ჩემი კლუბისადმი სიყვარული და მასთან დაკავშირებული ყველაფერი არ გამნელებია. ეს გუნდი, ეს კლუბი ჩემი ოჯახია და მე გავაგრძელებ შრომას, რათა მათ დასახული მიზნის მიღწევაში დავეხმარო".
ამასობაში, The Times ავრცელებს ინფორმაციას, რომ ლინგარდმა შესაძლოა ამ ზაფხულს დატოვოს ოლდ ტრაფორდი - 27 წლის ნახევარმცველით დაინტერესებულია "ნიუკასლი", ისევე როგორც ევროპაში რამდენიმე კლუბი, მათ შორისაა "რომა" და "მიუხენგლადბახი".