თავდაჯერებულობა და ხარისხი

მე დადებითად ვაფასებ დღეს ჩვენს თამაშს. უბრალოდ ფანტასტიკურია! ბიჭები იყვნენ თავდაჯერებულები და ხარისხით გამოირჩეოდნენ. თუმცა იყო გამონაკლისებიც. ყოველთვის რთულია "ბრაიტონის" წინააღმდეგ თამაში - პოტერის გუნდი კარგად იჭერს ბურთს, მაგრამ ამის საშუალება არ მივეცით. თამაშის დაწყებამდე ვსაუბრობდით ბურთთან და ბურთის გარეშე მოქმედებებზე, ჩვენ დავიწყეთ მომენტების შექმნა, რომელთაგან რამდენიმე ლამაზი გოლით დასრულდა.

გუნდის კარგი ფორმა

ჩვენი ფეხბურთელები ახლა კარგ ფორმაში არიან. კარანტინამდე შეხვედრა გვქონდა და შევთანხმდით, რომ ეს შესვენება გამოგვეყენებინა საკუთარ თავზე მუშაობისთვის. ჩვენ ერთმანეთს შევპირდით, რომ კარგ ფორმაში დავბრუნდებოდით და თამაშისთვის მზად ვიქნებოდით. ვფიქრობ, რომ ამან იმუშავა - ჩვენ კარგი საქმე გავაკეთეთ და ახლა დიდი გუნდი გვყავს. რა თქმა უნდა, ჩვენ როტაციის შესაძლებლობები გვაქვს, მაგრამ ბრუნოს, ლუკს და ჰარის მოუწიათ თამაში 120 წუთის განმავლობაში და მათი თამაში მხოლოდ ფანტასტიკურია!

ფერნანდეშის ეფექტი

მე ვიცოდი, რომ ბრუნო ბუნებით ლიდერი და გამარჯვებული იყო და ჩვენ მივხვდით, რომ ამ ტიპის მოთამაშე გვჭირდებოდა. მადლობელი ვარ კლუბის, რომ შევძელით ამ გარიგების დასრულება. ეს არ იყო ადვილი, რადგან "სპორტინგს" ბუნებრივია არ სურდა თავისი საუკეთესო მოთამაშის გაყიდვა, მაგრამ საბოლოოდ, ის ჩვენთან მოვიდა და უბრალოდ ფანტასტიკურად ითამაშა! მისი მეორე გოლი იყო თავდაცვიდან და შეტევაზე გადასვლის კლასიკური მაგალითი. ჩვენ ვიცით, რომ კარგი ტემპით შეგვიძლია ვითამაშოთ და გვინდოდა სწრაფად შეტევა. ეს იყო შესანიშნავი პასი მატიჩისგან, შესანიშნავი გადაცემა მეისონისგან და მშვენიერი დასრულება ბრუნოსგან. ასე რომ, ძალიან კმაყოფილი ვარ ყველა მათგანით.

გრინვუდის განვითარება

მეისონმა ითამაშა ფანტასტიკურად! ის განსაკუთრებული ბიჭია და ვიცით, რომ როდესაც უტევს, ის ძალიან საშიში ხდება. ის კარგი იყო არა მხოლოდ თავდასხმის დროს, არამედ მთლიანად თამაშში; მისი ურთიერთქმედება პარტნიორებთან ძალიან მაღალ დონეზე იყო. მას აქვს ეს უნარი - მას შეუძლია თამაში საჯარიმოში და მის ფარგლებს გარეთ ერთნაირად, როგორც მარჯვენა, ასევე მარცხენა ფეხით. ის იქცევა შესანიშნავ მოთამაშედ და იგი თავდასხმების შესანიშნავი ფინიშერია. მართალი გითხრათ, ის არის ერთ-ერთი საუკეთესო ფორვარდი, რომელიც ცხოვრებაში მინახავს.

გუნდის თავდასხმა და გუნდის დაცვა

ჩვენს გუნდში არსებული ხარისხისა და ნიჭის საშუალებით, თქვენ ხედავთ, თუ რას ვქმნით - აქტიური მოქმედებები და კარგი ზეწოლა. ჩვენ ძალიან ძლიერი დაცვა გვყავს, დევიდი კი ზოგჯერ საოცარს სეივებს აკეთებს, როგორც დღეს ორ ეპიზოდში. მრავალი მიზეზი არსებობს, რომ ჩვენ ჩვენს კარს მშრალად ვინახავთ. ჩვენ თავიდანვე მკვეთრად ვითამაშეთ და ჩვენ ვიცით, რომ 11 ადამიანი მიდის შეტევაზე და 11 ადამიანი იცავს თავს საჭიროების შემთხვევაში.

ყველას შეუძლია გაიტანოს

მნიშვნელოვანია, რომ გუნდში ბევრი მოთამაშე გყავდეს, რომელთაც შეუძლიათ გატანა. დიახ, მარკუსს და ენტონის ამ სეზონში 19 გოლი აქვთ, მაგრამ შემდეგ ბრუნოს გააქვს შესანიშნავი გოლები, ხოლო თავად მეისონი გოლის სინონიმია. ასევე პოლს შეუძლია კარგი ბურთის გატანა, მაკტომინსაც შეეძლო დღეს თავის გამოჩენა ამ მხრივ. დენ ჯეიმსი ახლოს იყო გოლთან, ხოლო იგალო კარგად შევიდა თამაშში. ჩვენ არასდროს ვიყვავით ამ მხრივ ერთ მოთამაშეზე დამოკიდებული, თუმცა რუდმა და კრიშტიანომ ჩვენთვის რამდენიმე ათეული გოლი გაიტანეს. ჩვენ ყოველთვის გვყავდა უამრავი მოთამაშე, რომელთაც შეეძლოთ კონკრეტული მატჩის მოგება.

ჩვენ კარგი გუნდი ვართ

არ ვაპირებ რაიმე განცხადების გაკეთებას, უბრალოდ ვიცი, რომ კარგი გუნდი გვყავს. ჩვენ ფოკუსირება გავაკეთეთ ამ მატჩზე, ახლა კი ჩვენ სრულად ვართ ორიენტირებული შაბათის შეხვედრაზე "ბორმუთთან". ფორმის აღდგენას დრო სჭირდება.


https://www.manutd.com/en