პოლ სქოულსი არ არის დარწმუნებული, რომ ენტონი მარსიალი იდეალური ვარიანტია მანჩესტერელთა ცენტრფორვარდის პოზიციაზე მიუხედავად ჩელსისთან ნაჩვენები შედეგისა.

პირველი ტაიმის მიწურულს ფრანგის მოხერხებულმა თავურმა საფუძველი დაუდო უმნიშვნელოვანეს გამარჯვებას სტუმრად ლონდონში და კლუბი კიდევ უფრო მიუახლოვა ჩემპიონთა ლიგის საგზურს. ეს მისთვის მე-13 გოლი იყო მიმდინარე სეზონის ყველა ტურნირზე.

ოლე გუნარ სოლსკიაერმა ირწმუნა მარსიალის გოლეადორობის და ფრანგი ამ სეზონზე მთავარ ცხრა ნომრად განაწესა, თუმცა იანვრის ბოლოს თავი დაიზღვია და "შანხაი შენშუადან" მის შემცვლელად, იჯარით ოდიონ იგალო გაიფორმა.

სიმართლე გითხრათ არ ვიცი, ის რამდენად მრავალმხრივი მოთამაშეა. არ ვიცი, ის სწორი კადრია თუ არა ცენტრფორვარდის პოზიციაზე, - განაცხადა პოლ სქოულსმა.

ოლე აშკარად თვლის, რომ იგი ამ გამოწვევას გაუმკლავდება და მუდმივად უმეორებს, რომ საჯარიმოში რაც შეილძება ხშირად შეირბინოს და მეტი დრო გაატაროს იქ.


”ჩელსის" წინააღმდეგ პერიოდულად ცდილობდა საჯარიმოში მოხვედრას, მიუხედავად გოლისა ეს არ არის საკმარისი. როცა ნატურალურად ცენტრი ხარ არ გჭირდება მუდმივი შეძახილი სწორი პოზიციის შესარჩევად, ენტონის როგორც ჩანს სჭირდება.“

https://www.manchestereveningnews.co.uk/