"მანჩესტერ იუნაიტედი" პრემიერ ლიგის მე-14 ტურის შეხვედრაში "ასტონ ვილას" დაუპირისპირდება. მატჩის წინ "იუნაიტედის" ფეხბურთელები სასტუმრო "ლოურიში" შეიკრიბნენ.

გუნდთან ერთად იმყოფება აქსელ ტუანზებე, რომელმაც გასული სეზონი იჯარის წესით "ასტონ ვილაში" გაატარა. გუნდს ვერ დაეხმარება სკოტ მაკტომინეი, რომელიც უკვე გუნდის ერთ-ერთ ლიდერად იქცა. სოლსკიაერის განცხადებით, სკოტი შესაძლოა, "ტოტენჰემთან" შეხვედრაში ვიხილოთ.

ნორვეგიელმა განაცხადში ლევიტი და გარნერი შეიყვანა, რომლებმაც "ასტანასთან" შეხვედრაშიც მიიღეს მონაწილეობა.

გუნდის წინასწარი განაცხადი:

მეკარეები: დე ხეა, გრანტი.

მცველები: ვან-ბისაკა, ლინდელოფი, ტუანზებე, მაგუაიერი, იანგი, უილიამსი, შოუ.

ნახევარმცველი: პერეირა, ლინგარდი, მატა, ჯეიმსი, ფრედი, ლევიტი, გარნერი.

თავდამსხმელი: რეშფორდი, მარსიალი, გრინვუდი.