ოლე გუნარ სოლსკიაერის სამწვრთნელო შტაბი, გუნდის ხელმძღვანელობსთან ერთად გეგმავს, რომ გუნდის ახალგაზრდა შვედი ცენტრალური მცველი ვიქტორ ლინდელოფი კლუბში დიდხანს დატოვოს.

გამომდინარე იქიდან, რომ გასულ სატრანსფერო ფანჯარაზე ლინდელოფის მიმართ ინტერესს ესპანური გრანდი "ბარსელონა" იჩენდა, "წითელ ეშმაკებს" მიაჩნიათ, რომ საჭიროა ქმედითი ნაბიჯების გადადგმა ამ კონკრეტული ფეხბურთელის მიმართ, რომელსაც შესაძლოა წასვლის სურვილები მომდევნო სატრანსფერო ფანჯარაზე გაუჩნდეს.

ზემოაღნიშნული მიზეზებიდან გამომდინარე, "გლეიზერების" კლუბი ვიქტორ ლინდელოფს ახალ გრძელვადიან კონტრაქტს შესთავაზებს. ინფორმაციას Daily Express-ი ავრცელებს.

ვიქტორი, ინგლისურ გრანდს 2017 წელს პორტუგალიური "ბენფიკა"- დან შეუერთდა. მიმდინარე სეზონში მის ანგარიშზე 4 პრემიერ ლიგური შეხვედრა ირიცხება.

უნდა აღინიშნოს, რომ "მანჩესტერ იუნაიტედის" ნორვეგიელი სპეციალისტის ოლე გუნარ სოლსკიაერის გეგმებში ლინდელოფი აქტიურად განიხილება. ფეხბურთელი აქტიურად იკავებს ძირითად შემადგენლობაში ადგილს.