ლონდონის "ჩელსის" ყოფილი ფეხბურთელი კრის სატონი, "მანჩესტერ იუნაიტედის" ნორვეგიელ მენეჯერზე ოლე გუნარ სოლსკიაერზე საუბრობს და მის გარშემო შექმნილ მდგომარეობას ნეგატიურად აფასებს.
ჟურნალისტებისთვის მიცემულ ინტერვიუში სატონი აცხადებს, რომ ოლე გუნარს "ოლდ ტრაფორდზე" დიდი დრო არ დარჩება და რომ მას სეზონის დასრულებამდე დიდი ალბათობით გაანთავისუფლებენ.
"მანჩესტერ იუნაიტედს" არ ჰყავს ის ფეხბურთელები რომელიც გუნდს სატურნირო ცხრილის ოთხეულში დააბრუნებენ. არ შემიძლია იმის დაჯერება, რომ მათ ალექსის სანჩესი "ინტერში" გაუშვეს.
რომელუ ლუკაკუს გაყიდვს შემდეგ გუნდმა მისი შემცვლელი არ დაიმატა. მაქვს მოსაზრება, რომ ოლე გუნარ სოლსკიაერს სეზონის დასრულებამდე გაანთავისუფლებენ დაკავებული პოსტიდან. კლუბის პრობლემები მიმდინარე სეზონშიც არ წყდება". - ციტირებს Mirror- ი კრის სატონის სიტყვებს.