ალექსის სანჩესი კარიერას მილანის "ინტერში" გააგრძელებს - ინფორმაცია "ინტერის" ოფიციალურმა ვებ-გვერდმა დაადასტურა. ჩილელი ფეხბურთელი იტალიურ გრანდში იჯარის წესით იასპარეზებს.

"ინტერმა" ოფიციალურ "ტვიტერზე" კლუბის ფორმაში გამოწყობილი30 წლის შემტევუს პირველი ფოტოები გამოაქვეყნა. ჩილელი ფეხბურთელი თანამემამულე ივან სამორანოს სურათთან პოზირებს, რომელიც "ნერაძურის" რიგებში 1996-2000 წლებში ასპარეზობდა.

გასულ სეზონში ალექსის სანჩესმა "იუნაიტედის" მაისურით 27 მატჩში ითამაშა, 2 გოლი გაიტანა და 4 საგოლე პასი მიითვალა. ჩილელი "იუნაიტედში" ყველაზე მაღალი ხელფასით ასპარეზობდა, თუმცა არა თუ გუნდის ლიდერი, არამედ სასტარტო შემადგენლობის წევრიც აღარ იყო.