"მანჩესტერ იუნაიტედის" ჩილელი შემტევი ალექსის სანჩესი იტალიის ჩემპიონატს დაუბრუნდება. "წითელი ეშმაკების" შვიდიანმა ანტონიო კონტეს "ინტერთან" შეათანხმა.
იტალიური პრესის მიერ გავრცელებული ცნობით, "ნერაძურიმ" ოლე გუნარის გუნდის მენეჯმენტთან ალექსისის ტრანსფერი უკვე შეათანხმა.
მოლაპარაკებები არენდის წესით ფეხბურთელის გადაყვანაზე შედგა. შესაბამისად სანჩესის ხელშეკრულებაზე უფლება კვლავ "მანჩესტერ იუნაიტედს" დარჩება, ხოლო ფეხბურთელი 1 წლით მილანურ კლუბში გადაბარგდება.
აღსანიშნავია ის ფაქტიც, რომ აღნიშნულ შეთანხმებაში არ არის ჩადებული პუნქტი რომელიც გულისხმობს ფეხბურთელის საბოლოო გამოსყიდვის შესაძლებლობას.
30- წლის ალექსის სანჩესს "მანჩესტერ იუნაიტედთან" კონტრაქტი 2022 წლამდე აკავშირებს. გასულ სეზონში ალექსისმა 27 ჩატარებულ შეხვედრაში საკუთარ აქტივს მხოლოდ 2 გოლი და 4 საგოლე გადაცემა შემატა.