გუშინ, პრემიერ ლიგის მეორე ტურის დასკვნითი მატჩი თბილისის დროით 23:00 სთ-ზე ნუნუ ეშპირიტუ სანტუს "ველვზსა" და ოლე გუნარ სოლსკიაერის "მანჩესტერ იუნაიტედს" შორის გაიმართა.

აღნიშნული შეხვედრა 1-1 დასრულდა და გუნდებმა ქულები გაიყვეს. აღსანიშნავია ფაქტი რომლის გარშემოც მცირე სკანდალიც დაფიქსირდა.

კერძოდ, "წითელ ეშმაკებს" გამარჯვების მოპოვება რეალიზებული თერთმეტმეტრიანით შეეძლოთ, თუმცა აღნიშნული სტანდარტს წარმატებით შესრულება "იუნაიტედის" ფრანგმა ნახევაცველმა პოლ პოგბამ ვერ შეძლო, რის შემდეგაც ის სოციალურ ქსელში კონკრეტული პიროვნებების კრიტიკისა და რასისტული გამონათქვამების პირდაპირი ობიექტი გახდა. უნდა აღინიშნოს, რომ ეს პიროვნებები გუნდის გულშემატკივრები იყვნენ.

კლუბის მხრიდან ეს ყველაფერი რეაგირების გარეშე არ დარჩენია რის შემედეგაც დაიწყო გამოძიება რომელმაც აღნიშნული პიროვნებები უნდა გამოააშკარავოს და მათ წინააღმდეგ ზომები იქნას მიღებული.

პოგბას მხარდაჭერა ასევე მისმა თანაგუნდელმა მარკუს რეშფორდმა გამოუცხადა, რომელმაც მოგვიანებით სოციალურ ქსელში განაცხადა, რომ პოგბაზე თავდასხმა გუნდის თითოეულ წევრზე თავდასხმას ნიშნავდა.

"საკმარისია. ეს ყველაფერი უნდა შეწყდეს. "იუნაიტედი"- ეს არის დიდი ოჯახი, პოგბა მისი მნიშვნელოვანი ნაწილია. მასზე თავდასხმა ნიშნავს, რომ თითოეულ ჩვენთაგანს გვესხმით თავს". - წერს რეშფორდი საკუთარ ტვიტერის გვერდზე.