"მანჩესტერ იუნაიტედის" ბელგიელი შემტევი ფორვარდი რომელუ ლუკაკუ კლუბთან ერთად არ იმყოფება. რომელუ წინასასეზონო მზადებას სამშობლოში კერძოდ კი "ანდერლეხტის" სავარჯიშო ბაზაზე გადის.
ლუკაკუ ფორმის აღდგენას ცდილობს, ამასთანავე ელოდება შესაძლო ტრანსფერს იტალიის ჩემპიონატში და დიდი ალბათობით "იუნაიტედის" ცხრიანი სულ მალე ანტონიო კონტეს "ინტერს" შეუერთდება.
შეგახსენებთ, რომ ბელგიელმა თავდამსხმელმა კარიერა სწორედ "ანდერლეხტის" შემადგენლობაში დაიწყო. ამ გუნდის მაისურთი მან 98 ჩატარებულ შეხვედრაში თავის გამოჩენა 41 გატანილი გოლით შეძლო,
რომელუ ლუკაკუ "წითელი ეშმაკების" შემადგენლობას ინგლისური "ევერტონიდან" შეუერთდა. თუმცა კლუბიდან ჟოზე მოურინიოს განთავისუფლების შემდეგ ოლე გუნარ სოლსკიაერის ტაქტიკურ სქემებში ლუკაკუმ ადგილი ვერ დაიმკვიდრა.