"მანჩესტერ იუნაიტედის" ბელგიელი შემტევი რომელუ ლუკაკუ კარიერის იტალიაში გაგრძელებასთან ძალიან ახლოსაა. მილანის "ინტერის" შემდეგ, მისით აქტიურად მაურიციო სარის "იუვენტუსი" ინტერესდება, იმდენად აქტიურად, რომ "ბებერმა ქალბატონმა" ფეხბურთელთან კონტრაქტის პირადი დეტალებიც შეათანხმა. ინფორმაციას Goal.com- ის ჟურნალისტი რომეო აგრესტი ავრცელებს.
მას შემდეგ რაც "მანჩესტერ იუნაიტედის" ბელგიელი ფორვარდის რომელუ ლუკაკუს ბედს სპორტული ტაბლოიდბი იტალიურ "ინტერს" უკავშირებდნენ ამის შესახებ თავად ფეხბურთელმაც გააკეთა მინიშნება იმ განცხადებით, რომ "ნერაძურის" ახლადდანიშნული მწვრთნელი ანტონიო კონტე მსოფლიოში საუკეთესო სპეციალისტად დაასახელა, დღეს ვრცელდება ინფორმაცია რომლის თანახმადაც ლუკაკუმ ვექტორი შეიცვალა და ამჟამად ტურინელებთან სურს ასპარეზობა.
იმ შემთხვევაში თუ ტრანსფერი ოფიციალურად კლუბებს შორისაც დადასტურდა, რომელუ ლუკაკუ ხელფასის სახით წელიწადში 9 მილიონ ევროს მიიღებს.
ბელგიელის ბედი დამოკიდებულია "ტურინელების" არგენტინელ მოთამაშე პაულო დიბალაზე რომელიც "იუვენტუსსა" და "იუნაიტედს" შორის განსახორციელებელ ბარტერის სახით ჩართულია რომელუს ტრანსფერში თუმცა ამ ეტაპზე უცნობია რა გადაწყვეტილებას მიიღებს დიბალა.