ლისაბონის "სპორტინგის" პორტუგალიელი ნახევარმცველი ბრუნო ფერნანდეში, კარიერის ინგლისში გაგრძელებასთან ძალიან ახლოსაა. სპორტული მედიის ცნობით ფეხბურთელს სულ მალე ოლე გუნარ სოლსკიაერის "მანჩესტერ იუნაიტედი" გაიფორმებს.
La Gazetta dello Sport- ი საკუთარ ფურცლებზე წერს, რომ 24 წლის ფეხბურთელმა "იუნაიტედთან" პირადი კონტრაქტის დეტალებიც შეათანხმა.
ამ ხელშეკრულების თანახმად ფერნანდეში "ოლდ ტრაფორდზე" ხელფასის სახით ყოველწლიურად 5,5 მილიონ ევროს მიიღებს. რაც შეეხება ფეხბურთელის სატრანსფერო ღირებულებას, ედ ვუდვორდი მის სანაცვლოდ 70 მილიონ ევროს გაიღებს.
გასულ სეზონში, ბრუნომ პორტუგალიის ჩემპიონატში 33 შეხვედრა ჩაატარა, მისი მონაგარი შთამბეჭდავ ციფრებს ასახავს, აღნიშნულ შეხვედრებიდან ფერნანდეშმა საკუთარი აქტივი 20 გოლით და 13 საგოლე გადაცემით დაამშვენა.