იტალიური "ინტერის" მთავარ სატრანსფერო სამიზნედ კვლავ რჩება, "მანჩესტერ იუნაიტედის" ბელგიელი შემტევი რომელუ ლუკაკუ. კონტეს გუნდი აქტიურად მუშაობს იმ შეთავაზებებზე რომელიც ინგლისელთა კმაყოფილებას და ტრანსფერზე დასტურს გამოიწვევს.
უახლეს ინფორმციას ავრცელებს FcInterNews-ი, აღნიშნული წყაროს მტკიცებით "ინტერმა" მიიღო გადაწყვეტილება, რომ ტრანსფერში საკუთარი ფეხბურთელი, ხორვატი შემტევი ნახევარმცველი ივან პერიშიჩი ჩართოს.
"ნერაძური" ოლე გუნარ სოლსკიაერის გუნდს ივან პერიშიჩის გარდა დამატებით 55 მილიონ ევროს სთავაზობს. ჯერჯერობით უცნობია თუ რა პასუხს გასჩემენ "წითელი ეშმაკების" შტაბიდან იტალიელებს.
გასულ სეზონში 30 წლის პერიშიჩმა 34 მატჩი ჩაატარა იტალიის ჩემპიონატში. საკუთარ მონაგარს რაც შეეხება ფეხბურთელმა 8 გოლისა და 3 საგოლე გადაცემის გაკეთება შეძლო.