"მანჩესტერ იუნაიტედის" ყოფილი თავდამსხმელი ოლე გუნარ სულშერი, რომელიც ამჟამად "მიოლდეს" წვრთნის აცხადებს, რომ არ ჩქარობს "პრემიერ ლიგის" გუნდის თავკაცობას.

სამწვრთნელო გამოცდილება მან მიიღო "იუნაიტედის" რეზერვებთან, შემდეგ სულშერი გაემართა მშობლიურ ნორვეგიაში, სადაც ის დღემდე ძალაინ წარმატებულად მუშაობს "მიოლდეში". მიყოლებით ორი წელია სწორედ ეს გუნდი ხდება ნორვეგიის ჩემპიონი.

როგორც ცნობილი იყო, სულშერს ჰქონდა შემოთავაზება რამდენიმე ინგლისური გუნდისგან, მათ შორის იყვნენ "ასტონ ვილა" და "ბლექბერნი". თუმცა 39 წლის მწვრთნელი, რომელიც ფერგიუსონის შემცვლელთა სიაში იმყოფება, ბედნიერია "მიოლდეში"

"ოჯახთან მსჯელობის შემდეგ გადავწყვიტეთ, რომ ჯერ ნორვგიაში დარჩენა გვსურს. დაბრუნება ჯერ ადრეა, ჩვენ ცოტა ხნის წინ დავბრუნდით უკან ნორვეგიაში და ჩემი ოჯახი, ჩემი შვილები აქ კმაყოფილები არიან."

"ვფიქრობ ნებისმიერი "მანჩესტერ იუნაიტედის" ფეხბურთელი, რომელმაც კარიერა მწვრთნელის რანგში გააგრძელა, ისურვებდა "იუნაიტედის" გაწვრთნას და რა თქმა უნდა ეს ჩემი ოცნებაცაა. თუმცა ვერ ვიტყვი, რომ ეს რეალურია" - განუცხადა სულშერმა BBC-ს

fapl.ru