"მანჩესტერ იუნაიტედი" მოხარულია გაცნობოთ, რომ მარკუს რეშფორდმა ახალ კონტრაქტს მოაწერა ხელი, რომელიც 2023 წლამდეა გათვლილი და დამატებით ერთი წლით გახანგრძლივების პერსპექტივას შეიცავს.
21 წლის რეშფორდი კლუბის აკადემიის აღზრდილია და შვიდი წლიდან ირიცხება "იუნაიტედის" სისტემაში. მან კლუბში ჯამში 170, ნაკრებში კი 32 შეხვედრა ჩაატარა.
მარკუს რეშფორდი: "მანჩესტერ იუნატედი" ჩემს ცხოვრებაში ყველაფერია შვიდი წლის ასაკში აქ მოსვლის დღიდან. ამ კლუბმა გამომწრთო როგორც ადამიანი და როგორც ფეხბურთელი, ამიტომ ყოველთვის, როცა კლუბის მაისურს ვირგებ, თავს პრივილეგირებულად ვგრძნობ.
მინდა, მადლობა გადავუხადო ოლესა და მის შტაბს ყველაფრისთვის, რაც ჩემთვის გააკეთეს. ისინი შესანიშნავი მწვრთნელები არიან იმისათვის, რომ ჩემი განვითარების პროცესში მათი იმედი მქონდეს.
ყველაფერს გავაკეთებ იმისათვის, რომ კლუბი დავაბრუნო იქ, სადაც მისი ადგილია და გულშემატკივრებს დამსახურებული წარმატება შევახვედრო".
ოლე გუნარ სოლსკიაერი: "მარკუსი თავისი თაობის ერთ-ერთი ყველაზე ნიჭიერი ინგლისელია. გასაოცარი მოთამაშეა, რომელიც ენერგიითაა და ბუნებრივი სისწრაფით არის დაჯილდოებული.
მარკუსი ნათელი მაგალითია იმისა, რასაც ჩვენი აკადემია აწარმოებს და მას ნამდვილად ესლის, რას ნიშნავს "მანჩესტერ იუნაიტედში" თამაში.
მიუხედავად იმისა, რომ 21 წლის გახლავთ, მარკუსს უკვე აქვს დიდი გამოცდილება. წინ დიდი მომავალი ელის და მოხარული ვარ, რომ კონტრაქტი გააფორმა".