ფლოტენტინო პერესის "რეალ მადრიდი" გეგმავს, რომ "მანჩესტერ იუნაიტედის" ფრანგი ფეხბურთელის პოლ პოგბას სანაცვლოდ კოლოსალური თანხა 150 მილიონი ევრო გადაიხადოს. - იუწყება ბრიტანული პრესა.

ამ ზაფხულს "რეალმა" უკვე შეიძინა: აზარი, იოვიჩი, მენდი, მილიტაო და როდრიგო. გამომდინარე აქედან მადრიდელებმა მეტი ყურადღება უნდა მიაქციონ ხარჯებს, თუმცა მიუხედავად ამისა ესპანელები პოლ პოგბასთვის კოლოსალური თანხის გამოყოფას საკუთარი ბიუჯეტიდან არ მოერიდებიან.

Goal- ის ცნობით, "სამეფო კლუბი" უკვე გამოეთიშა ლონდონის "ტოტენჰემის" ნახევარმცველისთვის კრისტიან ერიკსენისთვის ბრძოლას, მთელი ყურადღება პოლ პოგბას გადაბირებას მოხმარდება. გავრცელებული ინფორმაციით მადრიდელთა მენეჯერი ზინედინ ზიდანი პირად სიმპათიებს ავლენს "იუნაიტედის" ნახევარმცველის მიმართ.

არსებობს კიდევ ერთი გუნდი რომელიც ესპანურ გრანდს პოლ პოგბასთვის ბრძოლაში სერიოზულ წინააღმდეგობას გაუწევს - ტურინის "იუვენტუსი" ფრანგისთვის ბრძოლას გეგმავს. Corriere dello Sport- მა აქამდე დაწერა, რომ "ბებერი ქალბატონი" ნახევარმცველის" ტრანსფერში დახმარებას "Adidas" სთხოვს, კომპანიას რომელტანაც პოგბასაც აკავშირებს ხელშეკრულება.