"კრისტალ პალასიდან" აარონ ვან-ბისაკას გადაბირების შემდეგ "მანჩესტერ იუნაიტედი" კიდევ სამი ტრანსფერის განხორციელებას გეგმავს.
მომდევნო კვირაში წინასასეზონო ტურნეს დაწყებამდე ერთი კვირით ადრე "წითელ ეშმაკებმა" ორი ფეხბურთელი დაიმატეს. "ოლდ ტრაფორდის" მკვიდრთა რიგებს "სუონსიდან" ვინგერი დენიელ ჯეიმსი შეემატა 18 მლნ. ფუნტად, ხოლო "პალასიდან" ვან-ბისაკა 50 მლნ. ფუნტად.
მაგრამ "იუნაიტედი" ამაზე გაჩერებას არ აპირებს. როგორც გამოცემა Evening Standard-ი იტყობინება, პრემიერ ლიგის მეექვსე ადგილოსანი გუნდი "ნიუკასლის" 21 წლის ნახევარმცველის, შონ ლონგსტაფის შეძენაშიც დარწმუნებულია.
ასევე "ეშმაკები" "სპორტინგიდან" ბრუნუ ფერნანდეშის გადაბირების კარგ შანსს ფლობენ, თუმცა მათ კონკურენციას "მანჩესტერ სიტი", "ლივერპული" და "ტოტენჰემი" უწევენ.
რამდენიმე დღის წინ ფერნანდეშის აგენტი ინგლისში იმყოფებოდა და როგორც ვარაუდობენ, საგრძნობლად წაიწია წინ "იუნაიტედში" მოლაპარაკებებთან, რომელიც თავის მხრივ ოფიციალური წინადადების გაკეთებაზე ფიქრობს.
"იუნაიტედის" ყოყმანი იმითაა გამოწვეული, რომ ბრუნუს ალტერნატივის სახით ისინი "ლესტერიდან" ჯეიმს მედისონს, "ტოტენჰემიდან" კრისტიან ერიქსენსა და "მონაკოდან" იური ტილემანსს განიხილავენ.
გარდა ამისა, "იუნაიტედისთვის" პრიორიტეტული საკითხია ცენტრალური მცველის დამატება, რის შესაძლო ვარიანტსაც "ლესტერის" ფეხბურთელი ჰარი მაგუაიერი წარმოადგენს.