"მანჩესტერ იუნაიტედი" მიმდინარე სატრანსფერო ფანჯარაზე რიგით მეორე ტრანსფერთან ძალიან ახლოსაა. კლუბმა "კრისტალ პალასიდან" ეშლი იანგსა და დიოგო დალოს პირდაპირი კონკურენტი აარონ ვან-ბისაკა დაიმატა.
Sky Sports-ი ავრცელებს უახლეს ინფორმაციას, რომლის თანახმადაც, ამ წუთებში აარონ ვან-ბისაკა "მანჩესტერ იუნაიტედის" ბაზაზე იმყოფება და სამედიცინო შემოწმებას გადის.
შეგახსენებთ, რომ 21 წლის ფეხბურთელის ტრანსფერი "წითელ ეშმაკებს" 62 მილიონი ევრო დაუჯდათ. "მანჩესტერ იუნაიტედს" ამხელა თანხა მარჯვენა მცველში არასდროს გადაუხდია, შესაბამისად კლუბისთვის ტრანსფერი ისტორიული გახდება.