ბრაზილიელი მცველი დარწმუნებულია, რომ მიმდინარე სეზონი საუკეთესო გახდება "იუნაიტედის" მაისურით. "ვფიქრობ, ეს ჩემი საუკეთესო სეზონია კლუბის შემადგენლობაში. უკვე ბევრ მატჩში მივიღე მონაწილეობა და ვფიქრობ, რომ მიმდინარე სეზონი საუკეთესოა ჩემს კარიერაში "იუნაიტედის" შემადგენლობაში. რა თქმა უნდა იყო და არის მატჩები, რომლებშიც უფრო უკეთესად უნდა მეთამაშა, მაგრამ ყოველი მატჩის შემდეგ უფრო ვძლიერდები, ხოლო სურვილი თამაშისა უფრო ძლიერდება". - ციტირებს რაფაელს manutd.com.. "რედინგთან მატჩში დასვენების უფლება მომცეს. ჩვენთვის ყველასთვის აუცილებელია დასვენება. ბედნიერი ვარ, რომ ჩემმა კლუბმა მოიგო ის თამაში და ინგლისის თასის შემდეგ ეტაპზე გავიდა. მსურს ყველა მატჩში მივიღო მონაწილეობა. ვფიქრობ, რომ ყოველ ფეხბურთელს ეს სურს. "რეალთან" ბრწყინვალე მატჩი ჩავატარეთ, მაგრამ ჩემი თავისგან უფრო მეტს ველოდი. ვფიქრობდი, რომ ბურთისათვის გამართულ ყველა ბრძოლაში გავიმარჯვებდი, თუმცა რეალურად პირველ ტაიმში ეს მოლოდინი არ გამართლდა. თავში შემდეგი აზრი მიტრიალებდა: "თუ ამ ბრძოლას მოვიგებ, უკვე შემდეგის მოგებაზე უნდა ვიფიქრო". როცა გასახდელში გავედით ბოსმა ჩემთან მოვიდა და მითხრა, რომ ისე მეთამაშა, როგორც ამას მთელი სეზონის განმავლობაში ვაკეთებდი. მეორე ტაიმში აზრები დავალაგე და ბევრად უკეთ ვითამაშე." - დაასრულა რაფაელმა.

წყარო: Redevils.Ru