"მანჩესტერ იუნაიტედის" ჩილელი შემტევი ალექსის სანჩესი, მიმდინარე კოპა ამერიკის ტურნირზე რადიკალურად განსხვავდება იმ ფეხბურთელისგან რომელიც გასულ სეზონში "ოლდ ტრაფორდზე" ასპარეზობდა.
სანჩესმა ორ თამაშში ორი გოლის და ერთი საგოლე გადაცემის პირად აქტივში ჩაწერა უკვე შეძლო. ჟურნალისტებისთვის მიცემულ ინტერვიუში მან განაცხადა, რომ ფეხბურთის თამაშის ხალისი ეროვნულ ნაკრებში დაუბრუნდა.
"როდესაც ჩემი ქვეყნისთვის ვთამაშობ, ამას დიდი სიამოვნებით ვაკეთებ. ტრავმებისგან შექმნილი პრობლემები გაქრა, ფეხბურთის თამაშის ხალისი დამიბრუნდა.
ეკვადორთან მატჩი რთული გამოვიდა. იყო მცირე დაზიანება თუმცა ყველაფერი კარგად დასრულდა და მოედანს დავუბრუნდი. ინგლისში ცოტა შანსი მეძლეოდა, თუმცა მშვიდად ვარ. ვიცი საკუთარი შესაძლებლობები და ვიცი როგორი მოთამაშე ვარ". - განაცხადა ალექსისმა დასასრულს