ფრანგული "პსჟ"- ეს ნახევარმცველი ადრიენ რაბიო ჟურნალისტებისთვის მიცემულ ინტერვიუში საკუთარ მომავალზე საუბრობს და აცხადებს, რომ გადაწყვეტილების მიღება გაუჭირდება, საქმე ეხება ორ გრანდს რომელიც ფეხბურთელისთვის იბრძვის.

"მომწონს იტალია. აქ შეგიძლია კარგად დაისვენო და აღიდგინო ძალები. რთული სეზონი მელოდება. "იუვენტუსი" დამიკავშირდა, კონტაქტი ჩვენს შორის შედგა, სამწუხაროდ მეტ ინფორმაციას ვერ მოგაწვდით.

ჯერჯერობით არ ვიცი რა არჩევანს გავაკეთებ. რა თქმა უნდა "იუვენტუსი" შესანიშნავი კლუბია, კლუბი სადაც თავის გამოჩენა ნებისმიერ ფეხბურთელს ენდომება.

რაც შეეხება "იუნაიტედს" სიტუაცია მსგავსია როგორც "იუვენტუსთან" შემთხვევაში. გადაწყვეტილება უნდა მივიღო. ამ მომენტისთვის ვისვენებ, რამოდენიმე ხანში ყველაფერი ნათელი გახდება". - ციტირებს Corriere dello Sport - რაბიოს სიტყვებს.