"მანჩესტერ იუნაიტედის" ესპანელი კარის დარაჯი დავიდ დე ხეა მიმდინარე სატრანსფერო ფანჯარაზე "ნისლიან ალბიონს" დატოვებს. როგორც ირკვევა ფეხბურთელსა და კლუბის მესვეურებს შორის საბოლოო შეთანხმება ვერ შედგა.
The Sun-ის მიერ გავრცელებული ცნობები იუწყება, რომ "წითელი ეშმაკები" ესპანელის სანაცვლოდ არცთუ ისე მცირე თანხას მოითხოვენ. ედ ვუდვორდს დე ხეას გამოსასყიდ თანხად 85 მილიონი ევრო სურს.
დავიდის შეძენის უმთავრეს კანდიდატად ფრანგული "პსჟ" სახელდება რომელიც თავად ფეხბურთელსაც შესამჩნევად გაზრდილ ხელფასს სთავაზობს.
28- წლის მეკარეს "იუნაიტედთან" კონტრაქტი 2020 წლის ზაფხულამდე აკავშირებს.