ჰარი მაგუირი "მანჩესტერ იუნაიტედისა" და "მანჩესტერ სიტის" ინტერესს არაფრად აგდებს და აცხადებს, რომ ახლა მთლიანად ინგლისის ნაკრებზეა კონცენტრირებული.
"ლესტერის" ცენტრალური მცველს "მანჩესტერ სიტი" ვინსეტ კომპანის შემცვლელად მოიაზრებს, ხოლო "იუნაიტედი" უკვე მეორე წელია ცდილობს მის შეძენას დაცვის ხაზის გასაძლიერებლად.
მსოფლიო ჩემპიონატზე მაგუირი ერთ-ერთი საუკეთესო და მნიშვნელოვანი ფეხბურთელი იყო ინგლისის ნაკრებისთვის.
ინგლისის ნაკრები ერთ კვირაში ჰოლანდიის წინააღმდეგ გამართავს მატჩს, რაც იმას გულისხმობს, რომ ჰარის გონება მთლიანად ინგლისს აქვს შეპყრობილი:
"მე ახლა ინგლისის ნაკრებთან ერთად ვარ და საერთოდ არცერთ კლუბზე და არაფერზე არ ვფიქრობ ამ ნაკრების გარდა," - განაცხადა 26 წლის მცველმა, როცა "იუნაიტედის" დაინტერესებაზე ჰკითხეს.
"როგორც კი ამ მაისურს ვირგებ, ინგლისის გარდა ყველა და ყველაფერი მავიწყდება. მთლიანად ამ ორ მატჩზე ვარ კონცენტრირებული და ამ მომენტში სხვა ვერაფერზე ვფიქრობ," - დაასრულა ჰარი მაგუირმა.