პოლ პოგბას დიდი ხანია "რეალ მადრიდს" უკავშირებენ. მას შემდეგ, რაც "იუნაიტედი" ოთხეულს მიღმა დარჩა, ფრანგის ირგვლივ ჭორები კიდევ უფრო გაიზარდა. როგორც ესპანური პრესა იუწყება, "იუნაიტედსა" და "რეალ მადრიდს" შორის შეთანხმება უკვე შედგა და ფრანგი სულ მალე გადაბარგდება "სანტიაგო ბერნაბეუზე".
რამდენიმე კვირის წინ პოლ პოგბამ "რეალ მადრიდში" თამაშს ოცნება უწოდა, მაგრამ პრობლემა იმაშია, რომ "იუნაიტედს" ფრანგი ვარსკვლავის გაყიდვა არ სურს.
თუმცა, მიუხედავად ამისა, შეთანხმება უკვე შედგა და მას შემდეგ, რაც "სამეფო კლუბი" აზარის შეძენის შესახებ განაცხადებს, პოლ პოგბას შენაძენსაც მალე გააოფიციალურებს.
როგორც ესპანური პრესა იუწყება, ფრანგი "მანჩესტერ იუნაიტედში" უფრო მაღალ ხელფასს იღებდა. პოლ პოგბას "წითლები" წელიწადში 13 მილიონ ფუნტს აძლევდნენ, ხოლო "რეალ მადრიდი" 10 მილიონ ფუნტს ჰპირდება, რაზეც ფრანგი თანახმაა.