სერ ალექს ფერგიუსონმა თამაშის შემდეგ ვერ მოითმინა და გარი ნევილს ფუჭი დარტყმების შემდეგ შენიშვნა მისცა.
შეგახსენებთ, რომ "იუნაიტედის" ლეგენდები გუშინ "მიუნხენის ბაიერნს" დაუპირისპირდნენ, სადაც "წითლებმა" 5-0 ანგარიშით იმარჯვეს. 2013 წლის შემდეგ ფერგიუსონისთვის ეს პირველი დაბრუნება იყო "ოცნების თეატრში."
ამ სასიამოვნო საღამოს კი გარი ნევილმა რამდენიმეჯერ სცადა მეტოქის კარის დალაშქვრა, თუმცა - უშედეგოდ.
მცველმა, რომელმაც "იუნაიტედის" მაისურით 400 მატჩი ჩაატარა, კარიერის განმავლობაში სულ ხუთჯერ მოახერხა მეტოქის კარის დალაშქვრა. მატჩის შემდეგ ფერგიუსონმა გაიყვანა და უთხრა: "შვილო, დარტყმა ჯერ კიდევ 20 წლის წინ არ შეგეძლო! დღეს რა ჯანდაბისთვის გაიგიჟე თავი?"
მატჩის შემდგომ სერ ალექს ფერგიუსონმა საქველმოქმედო საღამოზეც ისაუბრა და მადლიერება გამოხატა ფეხბურთელებისადმი: "ყველაზე კარგი არის ის, რომ ისინი მოვიდნენ. ზოგი ისევ კარგ ფორმაშია, ზოგი ვერა, მაგრამ ყველა მოვიდა, რაც შთამბეჭდავია."