"მანჩესტერ იუნაიტედის" ქალთა და კაცთა შემადგენლობა წინასასეზონო ტურნეს ნორვეგიულ მხარეებთან დაპირისპირებით დაიწყებს.
ოლე გუნარ სოლსკიაერის შეგირდები პირველ მატჩს "კრისტიანსანდის" წინააღმდეგ, ოსლოში 30 ივლისს გამართავენ.
31 ივლისს კი "იუნაიტედის" ქალთა შემადგენლობა "ვალერენგას" დაუპირისპირდება. აღნიშნული მატჩიც ნორვეგიის დედაქალაქში ჩატარდება.
"ეს ორი მეგობრეული თამაში ჩვენი დიდებული წინასასეზონო ტურნეს ნაწილია. ნორვეგიაში შესანიშნავი გულშემატკივრები გვყავს, ისინი ერთ-ერთი გამორჩეული და აქტიური გულშემატკივრები არიან ჩვენს მხარდამჭერებს შორის."
"ძალიან სასიამოვნოა ოლეს მშობლიური ქალაქის წინააღმდეგ თამაში და ზუსტად ვიცი, რომ შესანიშნავი მხარდაჭერა გველის წინ."
"ვფიქრობ, ეს მატჩები წაადგება ქეისის გოგოებსაც, რადგან შესანიშნავი ვარიანტია მოსამზადებლად," - განაცხადა ოლე გუნარ სოლსკიაერმა.
"ძალიან მიხარია, რომ ამ ქალაქში და ამ გუნდის წინააღმდეგ გვიწევს თამაში. ჩემთვის ეს დამატებითი მოტივაცია და ბონუსია."
"მატჩი ძალიან მნიშვნელოვანია ჩვენი წინასასეზონო ტურნეს სამზადისისთვის. გვინდა, რომ ჩვენს თავს რაც შეიძლება ბევრი გამოწვევა დავუწესოთ და სეზონი მომზადებულებმა დავიწყოთ," - განაცხადა ოლე გუნარ სოლსკიაერმა. "ჩვენ მოუთმენლად ველით ამ ფანტასტიკურ ქალაქში ამ დიდებულ მატჩს. ვფიქრობ, რომ ჩემი გოგოებისთვის ეს კარგი გამოცდა იქნება და სეზონისთვის შესანიშნავად მოემზადებიან," - განაცხადა ქეისი სთოუნმა.