ვინაიდან ოლე გუნარი შემადგენლობის სერიოზულად გაძლიერებას გეგმავს, მის ნახევარდაცვას ანდერ ერერას წასვლის შემდეგ შევსება ესაჭიროება. ესპანელმა მიმდინარე თვეში გამოაცხადა რომ გუნდიდან მიდის და სრულიად უსასყიდლოდ "პსჟს" უერთდება.
Daily Record-ის თქმით კი სოლსკიაერს მისი შეცვლა 31 წლის რაკიტიჩით სურს.

"იუნაიტედის" ბოსებმა კატოლონიელებთან კავშირი დაამყარეს, გაყიდდნენ თუ არა ივანს, "ბლაუგრანას" ხელმძღვანელობა კი მზადაა შეთავაზება განიხილოს თუ "ეშმაკები" დაახლოებით €48 მილიონს გაიღებენ. რაკიტიჩი "ბარსელონაში" გადასვლის შემდეგ მათთვის ყოველთვის მნიშვნელოვანი ფიგურა იყო. მაგრამ ახლა ესპანელები შემადგენლობის გადაწყობას გეგმავენ, რაკიტიჩი კი ერთ-ერთია იმათ შორის ვის წასვლასაც ხელს არ შეუშლიან.

"ბარსელონამ" €65 მილიონად უკვე გადმოიბირა ფრენკი დე იონგი, დიდი ალბათობით მას ანტუან გრიზმანიც მიყვება. ასე რომ მათ შემოსავალიც არ აწყენდათ, რომლის მიღებაც რაკიტიჩისგან შეუძლიათ. ერთადერთი პრობლემა ისაა რომ "მანკუნიანელები" ჯერჯერობით €35 მილიონს იხდიან, კატალონიელებს კი €48 უნდათ.

წყარო:Thesun.co.uk