ოლე გუნარი პოგბას შენარჩუნებას კაპიტნის სამკლაურით ეცდება.
პოგბას ძალიან უნდა "ოლდ ტრაფორდის" დატოვება ზაფხულში და მან უკვე განუცხადა თავის მეგობრებს, რომ "რეალ მადრიდში" გადაბარგება სურს.
მსოფლიო ჩემპიონი მისმა ახლო მეგობარმა და "იუნაიტედის" ყოფილმა ვარსკვლავმაც პატრის ევრამაც წააქეზა და "ოლდ ტრაფორდის" დატოვება ურჩია.
ანტონიო ვალენსიამ, რომელიც კაპიტნის სამკლაურს ატარებდა, "ოლდ ტრაფორდი" უკევ დატოვა. სწორედ ამიტომაც "იუნაიტედს" ახალი კაპიტანი სჭირდება.
"მანჩესტერ იუნაიტედის" მწრთვნელი ოლე გუნარ სოლსკიაერი "წითლების" ახალ კანდიდატად პოლ პოგბას მოიაზრებს. დიდი ხანია, რაც პრესა ფრანგის მომავალს "რეალ მადრიდს" უკავშირებს, ნორვეგიელი კი კაპიტნის სამკლაურით ეცდება ნახევარმცველის შენარჩუნებას.
პოგბა ატარებდა ვიცე-კაპიტნის სამკლაურს, რომელიც "იუნაიტედის" ყოფილმა მწრთვნელმა ჟოზე მოურინიომ სექტემბერში ჩამოართვა, რადგან ნახევარმცველის განწყობითა და თამაშისადმი მიდგომით უკმაყოფილო იყო.
გარდა ამისა, როგორც "ESPN" იტყობინება, მიუხედავად "რეალ მადრიდის" დიდი ინტერესისა, "ეშმაკები" პოლ პოგბას არ გაყიდიან. თუმცა დანებებას არც "სამეფო კლუბი" აპირებს და თავიანთი მწრთვნელის ზინედინ ზიდანის ერთ-ერთი სამიზნის შესაძენად ყველაფერს აკეთებენ.
წყარო:
Metro