"კრისტალ პალასის" კოტ'დივუარელი ვინგერი ვილფრიდ ზაჰა შესაძლოა გულშემატკივარმა "ოლდ ტრაფორდზე" კვლავ იხილოს, ფეხბურთელს ყოფილ კლუბში დაბრუნება სურს.
პრესაში გავრცელდა ინფორმაცია, რომ "წითელი ეშმაკების" სატრანსფერო სიაში ზაჰაც იმყოფება, თუმცა "არწივებისთვის" ედ ვუდვორდის მენეჯმენტიდან ამ დრომდე არავის მიუმართავს და ვილფრიდის შესაძლო ტრანსფერი "ოლდ ტრაფორდზე" მხოლოდ განხილვის პროცესშია.
26 წლის ზაჰას მიმართ ინტერესს ასევე გამოხატავენ ლონდონის "არსენალი" და დორტმუნდის "ბორუსია".
აქედან გამომდინარე "სელჰერსთ პარკის" მესვეურები კოტ'დივუარელის სანაცვლოდ კოლოსალურ თანხას 100 მილიონ ფუნტ სტერლინგს მოითხოვენ, რომელიც სავარაუდოდ გარკვეული მიზეზებისდა გამო 70 მილიონ ფუნტამდე შემცირდება.