"მანჩესტერ იუნაიტედი" "კრისტალ პალასიდან" ორმაგი ტრანსფერის გაკეთებას აპირებს.

ოლე გუნარ სოლსკიაერს დაცვის ორივე ფლანგის გაძლიერება სურს აარონ ვან-ბისაკასა და პატრიკ ვან აანჰოლტის საშუალებით.

21 წლის ვან-ბისაკა გრანდების სამიზნეთა სიაშია, მაგრამ "არწივებს" პერსპექტიული ფეხბურთელის გაყიდვა არ სურთ.

ანტონიო ვალენსიას წასვლის შემდეგ "იუნაიტედი" ეშლი იანგის გრძელვადიან შემცვლელს ეძებენ და მიუხედავად იმისა, რომ შარშან კლუბში დიოგო დალო გადავიდა, "იუნაიტედი" ვან-ბისაკას ტრანსფერში ფულის დახარჯვას არ მოერიდება.

"იუნაიტედის" ინტერესი ინგლისის 21-წლამდელთა ნაკრების ფეხბურთელისადმი საკამათო არ არის, მაგრამ ვან აანჰოლტის მიმართა გამოხატული სურვილი მცირე გაუგებრობას იწვევს.

მიუხედავად იმისა, რომ ლუკ შოუს კლუბის წლის საუკეთესო ფეხბურთელად დასახელდა, სოლსკიაერი უფრო გამოცდილი ფეხბურთელის ყოლას ამჯობინებს შემადგენლობაში, რომელიც მარცხენა მცველის პოზიციაზე დიდ კონკურენციას გასწევს.

28 წლის ვან აანჰოლტს "სელჰერტს პარკზე" ორწლიანი კონტრაქტი აკავშირებს კლუბთან. გასულ სეზონში მან 40 მატჩი ჩაატარა ყველა ტურნირზე და 4 გოლიც გაიტანა.

ვან აანჰოლტის თამაშმა სერია A-ს გრანდების ყურადღებაც მიიპყრო "იუვენტუსისა" და "რომას" სახით, მაგრამ "იუნაიტედი" "არწივების" დუეტის შეძენის უფრო მეტ შანსს ფლობს.

წყარო: thesun