გარეთ საუთგეითმა UEFA-ს ერთა ლიგის ფინალური ეტაპისთვის მოსამზადებელ ეტაპზე 27-კაციანი განაცხადი გააკეთა.
"სამ ლომთა" რიგებში გამოძახებული რამდენიმე ფეხბურთელი ჯერ კიდევ კლუბის რიგებში რჩება, ვინაიდან მათ ინგლისის თასი, ჩემპიონთა ლიგისა და ევროპა ლიგის ფინალები აქვთ ჩასატარებელი.
ეს კი ნიშნავს, რომ ფეხბურთელები სხვადასხვა დროს გამოცხადდებიან "სენტ ჯორჯზ პარკზე" სავარჯიშოდ, რათა საბოლოო 23-კაციანი განაცხადით პორტუგალიაში 6 ივნისს ჰოლანდიის ნაკრებთან ნახევარფინალური მატჩისთვის მოემზადონ.
გუნდის განაცხადში გამოჩნდა ნათან რედმონდი და ასევე დაუბრუნდნენ შემადგენლობას ფაბიან დელფი, ჯო გომესი, ჯესი ლინგარდი და ჰარი უინქსი, რომელთაც მარტის მატჩების ტრავმების გამო გამოტოვეს.
საგულისხმოა ის ფაქტი, რომ ინგლისელთა შემადგენლობაში არ არის "მანჩესტერ იუნაიტედის" სეზონის საუკეთესო ფეხბურთელი ლუკ შოუ.