"მანჩესტერ იუნაიტედის" ლეგენდამ დარენ ფლეტჩერმა განაცხადა, რომ ახალგაზრდების განვითარებისთვის ორი გზა არსებობს: არენდით წასვლა და იქ საკუთარი შესაძლებლობების გამოვლენა, ან დარჩენა და საუკეთესო ფეხბურთელებისგან სწავლა და ყველა შანსის გამოყენება.
"მე ეს არ გამიკეთებია, მაგრამ ჩემი ძალიან ბევრი თანაგუნდელი ბელგიაში წავიდა გამოცდილების მისაღებად. როცა ახალგაზრდებს სურთ არენდით წასვლა და უკვე შემდგარ ფეხბურთელად დაბრუნება, ამაში ცუდი არაფერი არ არის. ისინი მართლა ყველა ძალიან პატარები იყვნენ. მე ამ წუთში ო'შისა და ევანსზე მაქვს საუბარი. ისინი დაბრუნდნენ როგორც კაცები და როგორც უკვე შემდგარი ფეხბურთელები. ისინი მზად იყვნენ ამ ყველაფრისთვის."
"ეს ფანტასტიკური შესაძლებლობა იყო. ეს ძალიან მნიშვნელოვანი და კარგი გამოცდილებაა, მაგრამ სწორი კლუბი უნდა აირჩიო. ამასთანავე, "მანჩესტერ იუნაიტედში" ვითარება კიდევ უფრო სხვაგვარად ვითარდება. ხანდახან მზად ხარ, რომ პირველ გუნდში ითამაშო და შანსებს იღებ, რომლებიც აუცილებლად უნდა გამოიყენო. ასე რომ შენი განვითარების ორი გზა არსებობს."
"როდესაც რაღაც ასაკს მიაღწევ, როდესაც უკვე 19 ან 20 წლის ხარ უკვე უნდა დაიწყო მზადება და მუშაობა იმისთვის, რომ პირველ გუნდთან ერთად გამოცდილება მიიღო, ან არენდით წახვიდე, რადგან უკან მზა და შემდგარი ფეხბურთელი დაბრუნდე."
"რაც შეეხება ახალგაზრდა ფეხბურთელების შეძენას, ეს კლუბის ისტორიაა. გადახედეთ "ბასბის ჩვილებს", შემდეგ სერ ალექსის ბიჭებს და მიხდვებით, რომ ამაზე დგას ეს კლუბი. ასე გავიზარდეთ, ასე ვშენდებოდით. "მანჩესტერ იუნაიტედი" უდიდესი კლუბი იყო მსოფლიოში, მაგრამ ერთ-ერთი მიზეზი რატომაც გადმოვედი სწორედ ის იყო, რომ ზუსტად ვიცოდი, რომ შანსებს მივიღებდი."
"ოლეს აქვს შანსი, რომ ახალგაზრდა ფეხბურთელები შემატოს გუნდს. უნდა მოიყვანოს ყველაზე ნიჭიერი ფეხბურთელები მსოფლიოში და მინდა, რომ ყველა ახალგაზრდამ იცოდეს, რომ თუ "ოლდ ტრაფორდზე" გადაბარგდებიან ისინი შანსს აუცილებლად მიიღებენ. ეს ყველამ უნდა იცოდეს და იგრძნოს და შემდგომ უკვე "წითლები" მეტი ფეხბურთელის მიზიდვას შეძლებენ."