ამსტერდამის "აიაქსის" ნიჭიერი ახალგაზრდა ცენტრალური მცველი მატიას დე ლიხტი, წლეულს შესანიშნავ ფორმაში იმყოფება. ფეხბურთელმა გრანდების ყურადღებაც მიიპყრო და ევროპაში ერთ ერთ მოთხოვნად მოთამაშედ იქცა.
დე ლიხტისთვის გარდამტეხი წლევანდელი წელი აღმოჩნდა სადაც, "აიაქსმა" ჩემპიონთა ლიგაზე, ისეთი მსხვილი კალიბრის გუნდები გამოთიშა ტურნირს, როგორებიცაა მადრიდის "რეალი" და ტურინის "იუვენტუსი", აღსანიშნავია რომ ამ წარმატებაში ერთ ერთი გარდამტეხი როლი სწორედ დე ლიხტის კარგმა თამაშმაც იქონია.
საინტერსო ინფორმაციას ავრცელებს Mirror, როგორც წყარო იუწყება "მანჩესტერ იუნაიტედი" გასულ სეზონში დე ლიხტის გაფორმებასთან ყველაზე ახლოს იყო, თუმცა კლუბმა ის დაიწუნა.
"იუნაიტედი" შიშობდა, რომ დე ლიხტი სამომავლოდ წონის მატებისკენ მიდრეკილ ფეხბურთელად გადაიქცეოდა. მოსაზრებას კი უფრო ის ამყარებდა, რომ მატიას დე ლიხტის მამაც აღნიშნულ მდგომარეობაში იმყოფება.