ენტონი მარსიალმა ახალ გრძელვადიან კონტრაქტს სულ რაღაც რამდენიმე თვის წინ მოაწერა ხელი. ახალი კონტრაქტის მიხედვით ფრანგი კლუბში 2024 წლის ზაფხულამდე უნდა დარჩეს. თუმცა "The Sun"-ის განცხადებით, მარსიალი კლუბს გაცილებით უფრო ადრე დატოვებს.
პრესის თანახმად, ფრანგს ზაფხულში "მანჩესტერ იუნაიტედის" დატოვება სურს და ამაში ხელს არც ოლე გუნარ სოლსკიაერი შეუშლის.
როგორც "The Sun"-ისგან გახდა ცნობილი, სოლსკიაერს ფრანგის განწყობა არ მოსწონს და შესაბამისად თავად სურს, რომ ვინგერმა კლუბი რაც შეიძლება მალე დატოვოს.
ბევრჯერ ითქვა, რომ "იუნაიტედში" დიდი წმენდა იგეგმება და, სავარაუდოდ, მარსიალი პირველი იქნება, ვინც საზაფხულო ტრანსფერებზე "ოლდ ტრაფორდს" დატოვებს.